आतापर्यंत १.५८ लाख तालांवांपैकी ९९ लाख तालांव भरले
पणजी: गोव्यातील (Goa) पणजी स्मार्ट सिटीमधील (Panjim Smart City) स्मार्ट कॅमेऱ्यांनी (Smart Camera) गेल्या दोन वर्षांत वाहतूक नियमांचे (Traffic) उल्लंघन केल्याबद्दल १.८५ लाख दंड आकारला आहे. तालांवातून सुमारे १० कोटी रुपये वसूल होणे अपेक्षित आहे.
तथापि, ५३ टक्के दंड अद्याप वसूल झाला नसल्याचे स्मार्ट सिटीच्या एका वरिष्ठ अधिकाऱ्याने सांगितले.
पणजी स्मार्ट सिटी योजनेअंतर्गत पणजी शहरात सात कॅमेरे आहेत जे ‘रेड सिग्नल’ आणि इतर वाहतूक नियमांचे उल्लंघन नोंदवतात. तर तीन कॅमेरे आहेत जे ‘ओव्हरस्पीडिंग’ उल्लंघन नोंदवतात. स्मार्ट कॅमेरा वाहतूक नियमांचे उल्लंघन नोंदवतो आणि दंडाची रक्कम वाहन मालकांच्या मोबाईल फोनवर लायसन्स प्लेट्सच्या मदतीने एसएमएसद्वारे पोहोचवली जाते. त्यानंतर हे तालांव मालक ऑनलाइन भरू शकतात.
जून २०२३ ते सप्टेंबर २०२५ दरम्यान, कॅमेऱ्याने १,८५,३२९ चलन दिले आणि उल्लंघन करणाऱ्यांना २१.३० कोटी रुपयांचा दंड ठोठावला.
तथापि, या १.८५ लाखांपैकी ९९,३५९ तालांव उल्लंघन करणाऱ्यांनी भरले आहेत आणि ८६,२९० तालांव प्रलंबित आहेत. दरम्यान, २१.३० कोटी रुपयांपैकी फक्त ४६ टक्के रक्कम वसूल झाली आहे. ९.८० कोटी रुपये दंड लोकांनी भरला आहे तर ११.५० कोटी रुपये दंड आहे, असे अधिकाऱ्याने सांगितले.
सध्या, तालांवातून येणारा सर्व महसूल वाहतूक विभागाकडे जातो आणि स्मार्ट सिटीला याचा फायदा होत नाही. सर्व यंत्रसामुग्री आणि मनुष्यबळ स्मार्ट सिटीचे आहे, परंतु स्मार्ट सिटीला पोलीस विभागाकडून कोणताही महसूल मिळत नाही. "म्हणून, आम्ही वाहतूक विभागाला पत्र लिहून मागणी केली आहे की या आगामी काळात दंडातून येणाऱ्या महसुलापैकी ५० टक्के रक्कम यंत्रसामुग्री आणि मनुष्यबळाच्या खर्चासाठी स्मार्ट सिटीला द्यावी," असे अधिकाऱ्याने सांगितले.
म्हणून तालाव पोहोचण्यास विलंब
मानवी चुकांमुळे, सध्या ट्राफिक कॅमेऱ्यांवर नोंदणीकृत असलेले तालाव मॅन्युअली पाठवले जातात. या कारणांमुळे तालाव पोहोचण्यास थोडा विलंब होतो. जर ‘एआय इंटिग्रेटेड मेकॅनिझम’द्वारे तालाव देणे सुरू केल्यास त्याच वेळी पोहोचणार. परंतु काही त्रुटींमुळे, ही प्रणाली सक्रिय केली नाही.
सध्या, पणजीमध्ये सात कॅमेरे आहेत जे सिग्नल उल्लंघन रेकॉर्ड करतात आणि त्यापैकी फक्त चार कार्यरत आहेत. सध्या, या कॅमेऱ्यांचे तसेच इतर प्रणालींचे कनेक्शन स्थापित केले जात आहेत. तर तीन कॅमेरे आहेत जे ओव्हरस्पीडिंग उल्लंघन रेकॉर्ड करतात आणि तिन्ही कार्यरत आहेत
