चालक साईश पार्सेकरविरुद्ध कारवाई
म्हापसा : हणजूण येथील अपघातात मृत्यू झालेल्या जस्टर रॉड्रिग्ज यांच्या अंगावरील सात ते आठ लाखांचे सोन्याचे दागिने चोरल्याच्या आरोपाखाली हणजूण पोलिसांनी एका पोलीस कॉन्स्टेबलला अटक केली आहे. संशयित पोलीस कॉन्स्टेबलचे नाव साईश पार्सेकर असून तो पोलीस रॉबर्ट जीपचा चालक म्हणून कार्यरत आहे.
मृत जस्टर यांचा भाऊ जोवी रॉड्रिग्ज यांनी याप्रकरणी तक्रार दाखल केली होती. या तक्रारीवरून पोलिसांनी भारतीय न्याय संहितेच्या कलम ३०३ (३) अन्वये गुन्हा नोंदवून शुक्रवारी २० फेब्रुवारी रोजी सायंकाळी ही कारवाई केली.
| तपशील | माहिती |
|---|---|
| अपघाताची वेळ आणि तारीख | २५ जानेवारी २०२६, पहाटे ३.१५ च्या सुमारास |
| मृत व्यक्ती | जस्टर रॉड्रिग्ज (वय २७, रा. केपे) |
| चोरीला गेलेले दागिने | सोन्याचे ब्रेसलेट, कडा आणि अंगठी (अंदाजे ७ ते ८ लाख रु.) |
| गुन्हा नोंदवल्याची तारीख | ७ फेब्रुवारी २०२६ |
अपघातानंतर जस्टरच्या मोबाईलवर करण्यात आलेला व्हिडिओ कॉल संशयित पोलीस चालक साईश पार्सेकर याने स्वीकारला होता. मात्र, पंचनाम्यावेळी जस्टरच्या अंगावरील मौल्यवान दागिने कुटुंबीयांना परत मिळाले नाहीत. त्यामुळे या दागिन्यांची चोरी संशयित कॉन्स्टेबलनेच केली असावा, असा संशय तक्रारदाराने व्यक्त केला होता, जो तपासाअंती खरा ठरला आहे.
