दिंडोरीत गाडी विहिरीत कोसळून एकाच कुटुंबातील ९ जणांचा मृत्यू
दिंडोरी : शाळेच्या वार्षिक स्नेहसंमेलनातून नृत्य सादर करून आनंदाने घरी परतणाऱ्या एकाच कुटुंबातील नऊ जणांवर काळाने झडप घातली. नाशिक जवळील दिंडोरी येथे मध्यरात्रीच्या सुमारास कार विहिरीत कोसळून झालेल्या भीषण अपघातात सहा शाळकरी मुलांसह तीन प्रौढांचा मृत्यू झाला. या घटनेमुळे संपूर्ण जिल्ह्यावर शोककळा पसरली असून दोन भावांच्या चार कुटुंबांचा आधार हरपला आहे.
| नाव | वय | नाते / माहिती |
|---|---|---|
| सुनील दत्तू दरगोडे | ३५ | प्रौढ (पालक) |
| रेश्मा सुनील दरगोडे | ३३ | प्रौढ (पालक) |
| आशा अनिल दरगोडे | ३२ | प्रौढ (पालक) |
| सृष्टी, श्रेयस, श्रद्धा, श्रावणी, गुणवंती, समृद्धी | ११ ते १३ | शाळकरी मुले (६ मुले) |
| एकूण मृत्यू : | ०९ | |
अपघाताची कारणे आणि भीषणता:
हा अपघात दिंडोरी येथील इंदूर गावाजवळ घडला. सिमेंट रस्त्याच्या अगदी शेवटी असलेली ही विहीर ४० फूट खोल होती. विशेष म्हणजे, ही विहीर उघडी होती आणि तिच्या सभोवतालची संरक्षक भिंत केवळ काही फूट उंच होती, ज्यामुळे अंधारात चालकाला विहिरीचा अंदाज आला नाही.
शनिवारी या विहिरीला बुजवण्याचे काम स्थानिक कंत्राटदारांमार्फत हाती घेण्यात आले आहे. दुर्गुडे कुटुंबातील या नऊ सदस्यांवर इंदूर गावी शोकाकुल वातावरणात अंत्यसंस्कार करण्यात आले. या घटनेमुळे नाशिक जिल्ह्यात रस्त्यांच्या कडेला असलेल्या उघड्या विहिरींचा प्रश्न पुन्हा एकदा ऐरणीवर आला आहे.
